SEGIETERS VOLKSLEED IN DE HOESKAMER

Sins 2022 haet Segietere ’n aege volksleed. ’n Compositie van Mathijs Drummen mit wäörd van Harry Rouschop. De hymne is te beloestere via Spotify (of zeuke op Segieters volksleed).

Same mit ’n aantal verenigingen heb v’r afgesjproëke ’t volksleed ’n vaste plek te giëve bie Segieterse tradisies en festiviteiten zoe-es bevuurbeeld carnaval, ’t voëgelsjeete en natuurlik de broonk.

V’r wille ’t volksleed aog ‘ne vaste plek giëve in de hoeskamersj. Daorum heb v’r keunstener Dirk Bal oet Genin gevraog taekeninge en ’n oontwirp hie-vuur te make. Van diet oontwirp heb v’r ‘n luxe preent (prent) op A3 formaat gemak (29,7 x 42 cm). ’t Iersjte exemplaar is gepresenteert op bronkzoondig 2023.

BESJTELLE
Preents zien vuur € 10,- te kaop. De oplage is gelimiteerd en edere aafdruk is uniek genummerd.
Sjik ‘ne email nao harry@alabonheur.nl mit de volgende gegiëves: naam, adres, tillefoonnummer, aantal prenten.

De besjtelling is pas definitief es ’t totaalbedrag is uvergemak op:
IBAN: NL24 RABO 0334 5737 69
Ten name van: stichting LIMx
Oonder vermelding van: VOLKSLEED en naam en adres zoe-es ingevuld.

Daonoa niëm v’r contact op uver de bezurging.

Mit ‘ne Segieterse groet,
Mathijs Drummen, Dirk Bal en Harry Rouschop